Job 18:11-18

11 ^aVitisho vimemtia hofu kila upande,
na adui zake humwandama kila hatua.
12 ^bJanga linamwonea shauku;
maafa yako tayari kwa ajili yake aangukapo.
13 ^cNayo yatakula sehemu ya ngozi yake;
mzaliwa wa kwanza wa mauti atakula maungo yake.
14 ^dAtangʼolewa kutoka usalama wa hema lake,
na kupelekwa kwa mfalme wa vitisho.
15 ^eMoto utakaa katika hema lake;
moto wa kiberiti utamwagwa juu ya makao yake.
16 ^fMizizi yake chini itakauka
na matawi yake juu yatanyauka.
17 ^gKumbukumbu lake litatoweka katika dunia,
wala hatakuwa na jina katika nchi.
18 ^hAmeondolewa nuruni na kusukumiwa gizani,
naye amefukuzwa mbali atoke duniani.